Any Ivelany

Firenena Amerikanina Nandefa miaramila maherin’ny 3000 isa any Moyen Orient

Any Ivelany
Talata 07 Janoary 2020

Samy miomankomana amin’ny fifanafihana izany amin’izao fotoana izao ny ao Etazonia sy Iran ao taorian’ilay daroka baomban’ny Amerikanina tao amin’ny seranam-piaramanidin’I Bagdad ka nahafaty ny jeneraly Qassem Soleimani izay mpitarika ny revolisionina iranianina ny zoma teo.

Efa nitsangana hatry ny omaly ary saika manenika ireo Moské ao Iran ny saina mena manambara fa raikitra ny ady ary manamafy fa tsy maintsy hamaly faty ity firenena iranianina ity. Etsy ankilany kosa dia nanainga omaly ny miaramila amerikanina miisa 3000 mahery nalefan’ny be kintana ho any Moyen Orient ametraka ny paikady amin’ny fanafihana sy hiady, mazava ho azy. Faniriana ihany moa ny an’izao tontolo izao ny amin’ny mba hahitan’ireto firenena roa ireto marimaritra iraisana tsy hifandonana na fara faharatsiny ho hatreo amin’ny firenena roa tonta ihany izay fifanandrinana izay fa tsy hisafilitika amin’ireo firenen-kafa.Hanolotra valisoa 80 tapitrisa dolara ho an’izay mahasambotra ny filoha Amerikanina Donald Trump sy manolotra izany azy ireo moa ny Iraniana, araka ny fanambarana nataona mpitarika iray omaly nandritra ny fandevenana ny jeneraly Soleimani izay nahavory olona an-tapitrisany maro tao Teheran renivohitra

J. Mirija