Any Ivelany

Fifidianana parlemantera any Danemark Nanaiky ny fahareseny ny praiminisitra Lokke Rasmussen

Any Ivelany
Zoma 07 Jona 2019

"Tsara ny fifidianana nataontsika saingy nisy indro kely", hoy ny praiminisitra Lars Løkke Rasmussen,

tamin'ny mpanohana azy nanoloana ny fahareseny tamin`ny fifidianana parlematera tao Danemark ny alarobia lasa teo. Nihaona tamin`ny mpanjaka vavy izy omaly ka nanambara ny fametraham-pialany tsy ho praiminisitra intsony. Nambarany kosa fa mbola hikaroka vahaolana hatrany ho an'ny governemanta na tsy ho eo amin’ny fitantanana intsony aza ny tenany. Nivoaka mpandresy tamin’ny salan’isa 25,9% i Mette Frederiksen, raha toa ka 23,4% kosa ny isa azon`i Lars Løkke Rasmussen. Nilaza i Mette Frederiksen, mpitarika demôkratika sosialy fa hitarika governemanta vitsy an'isa mankany amin'ny fahombiazana izy, miaraka amin'ny fanohanan’ny parlemantera.