Any Ivelany

Fifidianana monisipaly ao Grèce Hanjakan`ny fianakaviana Bakoyiannis

Any Ivelany
Talata 04 Jona 2019

Omaly no nanatanteraka ny fihodinana faharoa tamin`ireo fifidianana monisipaly sy ara-paritra i Grèce. Tao Athènes, dia hita taratra sahady ny fiverenan`ny fianakaviana Bakoyiannis eo amin`ny fitantanana ny renivohitr`i Grèce.

I Kostas Bakoyiannis, kandidàn`ny Demokrasia vaovao, dia nifandrina tamin`i Nasos Lliopoulos, izay sokajiana ho kandidàm-panjakana. Ny azo ambara dia efa mibata ny fandresena i Kostas satria nandritra ny fihodinana voalohany dia efa nitarika mazava tamin`ny 25% ny vaton`ny mpifidy. Manan-danja eo amin`ny tontolo politika ao Grèce ioty fianakaviana ity. Ny reniny dia efa nitantana ny fiadidian`ny tanan`i Athènes, ny taona 2000. Ny mpiray tampo amin`i Dora Bakoyiannis, Kyriakos Mitstotakis, dia mpitarika ny antoko Demokrasia vaovao ary mety hitana ny andraikitra praiminisitra.

Marigny A.