Any Ivelany

Fifidianana filoham-pirenena ao Alzeria Tsy ho tontosa amin’ny 4 jolay indray

Any Ivelany
Talata 04 Jona 2019

Hahemotra amin`ny fotoana manaraka indray ny fifidianana filoham-pirenena ao Alzeria fa tsy ho tontosa ny 4 jolay ho avy izao.

Fanambarana nataon`ny filankevitry ny lalàmpanorenana omaly io. Antony, miisa roa ihany ireo kandidà mikasa hisedra ny safidim-bahoaka dia i Abdelhakim Hamadi sy Hamid Touahri. Marihina fa izy ireto dia tsy fantatra amin`ny tontolo politika alzerianina. Araka izany, tsy manana lanja politika izy ireo ka sarotra no ahazoana sonian`ny mpifidy 600 000 na olom-boafidy 600 araka ny lalàna alzerianina. Tsy mbola voafaritra ny datim-pifidianana manaraka kanefa ny fe-potoam-piasan`ny filoha vonjimaika, Abdelkader Bensalah, dia tapitra ny volana jolay ho avy izao.

Marigny A.