Any Ivelany

Fifidianana filoham-pirenena 2020 Mahatoky tena tanteraka i Donald Trump

Any Ivelany
Alakamisy 20 Jona 2019

Nanambara tamin`ny fomba ofisialy amin`ny maha kandidà azy amin`ny fifidianana filoham-pirenena amin`ny volana novambra 2020 ny filoha am-perinasa Donald Trump.

Fanambarana nataony tao Florida manoloana ireo mpomba azy ny talata lasa teo. Niisa roa hetsy teo ireo nanotrona azy dia ny vadiny sy ny siloha lefitra Mike Pence ary ireo mpanara-dia tsy mahasaraka azy ao amin`ny antoko Repoblikanina. Naneho fahavononana indray hitondra an`i Etazonia ho amin`ny efa-taona manaraka izy. Fampanantenana ny hitazona ny tanjaka sy halehiben’i Etazonina ary teny filamatra rahateo ny hoe “Rendre à l`Amerique sa grandeur”. Nahatoky tena tanteraka izy ary efa nihirahira sahady ny fandreseny. Notondroiny ho mpamotika tanindrazana ireo mpifaninana taminy sy ny teo aloha toa an`i Hilary Clinton sy Barack Obama.

Marigny A.