Any Ivelany

Fifidianana Eoropeanina Miezaka mafy hampandany ny olony i Emmanuel Macron

Any Ivelany
Alarobia 22 Mey 2019

Tandindomin-doza ary atahorana ho vaky ny vondrona eoropeanina, hoy ny filoha Frantsay Emmanuel Macron ka tsy afaka ny hitazam-potsiny izahay fa tsy maintsy mirotsaka an-tsehatra.

Izay no antony nanaovany propagandy mba hampandaniana ny olona avy ao amin’ny antoko nipoirany mba hahazo toerana maro ao amin’ny parlemanta eoropeanina. Ny alahady 26 mey izao moa no hiatrika fifidianana ry zareo eo anivon’ny vondrona eoropeanina. Voakiana mafy ny filoha Frantsay noho ity fihetsiny manao propagandy ity satria nosokajian’ny olona fa manararaotra ny fahefana eo am-pelatanany. Mifampitady amin’ny Rassemblement national tarihan’i Marie Le Pen ny antokon’ny filoha Macron amin’ny vato mety harotsaky ny Frantsay raha ny tsapan-kevitra farany nivoaka tany Frantsa.

RTT