Any Ivelany

Fifaninana ara-barotra Sina-Etazonia Miditra an-tsehatra hatramin`ireo mpanao gazety

Any Ivelany
Zoma 31 Mey 2019

Miha mafy hatrany ny ady eo amin`ny firenena Etazonia sy Sina satria na ny mpanao gazety aza miditra an-tsehatra. Mpilaza vaovao amerikanina,

Trish Regan sy sinoa, Liu Xin no niady hevitra mivantana tamin`ny haino aman-jery Fox Buisness omaly tamin`ny 2 ora maraina. Adihevitra niainga tamin`ny tambajotra Twitter izy ity. I Trish Regan dia nitondra tenin`ny filoha Amerikanina, Donald Trump, tao anatin`ny ady ara-barotra misy eo amin`ny firenena roa tonta. Nisongadina tao ny filazana fa nangalarin`ny sinoa ny “quantities de brevets intellectuels » izay mitentina an-jatony miliara dolara. Namaly am-panajana kosa i Liu Xin, izay miaro ny voninahitr`i Pekin ka nilaza fa ny vokatra amerikanina dia mandoa hetra 9,9% any Sina kanefa avo telo heny raha oharina amin`ireo vokatra sinoa any Etazonia. Samy niaro ireo fireneny ireto mpanao gazety ireto.

Marigny A.