Any Ivelany

Fifandraisan’i Macron sy Trump Manga ny lanitra

Any Ivelany
Zoma 07 Jona 2019

Miavaka ary hafa mihitsy ny fifandraisako amin’ny filoha Emmanuel Macron, hoy ny filoha Amerikanina Donald Trump omaly tany Caen teo nandritra ny fifampiresahan’ny roa tonta tamin’ny mpanao gazety.

Manga ny lanitra eo amin’ny fifandraisan’i Frantsa sy Etazonia izany.Tetsy an-kilan’izay, nasongadin’ny filoha Macron ny maha zava-dehibe ny fifandraisana ara-tantara eo amin’i Frantsa sy Etazonia izay nambarany fa samy mijoro miaro ny demokrasia sy ny fahafahana amin’ny fotoana tsy maintsy hanaovana izany. Notsiahivina omaly tany Frantsa moa ny faha-75 taonan’ny Débarquement de Normandie na ny hetsika goavana fanafahana an’i Frantsa nataon’ny vondron-tafiky ny ”Allié” ny 6 jona 1944. Nisaotra ny Amerikanina tamin’ny hetsi-panafahana an’i Frantsa teo ambany ziogan’ny Nazi moa omaly i Emmanuel Macron.