Fifanarahan’i Etazonia sy Iran

Partagé sur :
• facebook

baolina, mivadika fifandrahonana…

Mbola mitohy ao anatin’ny toe-draharaha marefo sy feno fifanoherana ny fifampidinihana eo amin’i Etazonia sy Iran mikasika ny fampitsaharana ny ady. Nisy fivoriana natao tany Soisa ny faran’ny herinandro teo nahitana an’i Etazonia, Iran, Pakistan ary Qatar, mba hiezahana hanorina fandriampahalemana maharitra sy hamerina ny fivezivezen’ny sambo ao amin’ny Detroit d’Hormuz. Na dia nisy aza ny sonia « memorandum of understanding », dia mbola tsy lasa fifanarahana ofisialy izany noho ny olana ara-politika sy ara-piarovana. Etazonia, tamin’ny alalan’i Donald Trump, dia nanao fampitandremana mivantana fa raha mikatona ny Detroit d’Hormuz fa hanao fanafihana vaovao raha mbola mitohy ny fanelingelenan’i Hezbollah. Iran kosa nanambara fa hanakatona ny Strait of Hormuz raha tsy voahaja ny fifanarahana, ary nilaza fa “fanaovana deal noho ny fahakiviana” no nataon’i Trump. Antony lehibe tsy nahatonga ny sonia ofisialy ny fifandonana tany Liban teo amin’i Israel sy ny Hezbollah izay nanohintohina ny fahafahana manohy ny fifampidinihana, ary mbola nisy fanafihana an’habakabaka sy fahafatesana maro na dia nisy aza ny fampitsaharana ny poa-basy na « ceasefire ». Ny olana tsy voavaha dia mbola mijanona amin’ny Detroit d’Hormuz, ny programa nokleary sy balistika Iranianina, ary ny fanesorana sazy ara-toekarena. Mitaky fahalalahan’ny sambo sy fepetra hentitra amin’ny programa nokleary i Etazonia. Iran kosa manambana hanakatona ny Hormuz ary tsy manaiky faneriterena tafahoatra, sady mitaky fanesorana haingana ny sazy ara-toekarena, kanefa ny Amerikanina maniry fepetra miandalana. Ny Firenen-kafa toy ny Pakistan sy Qatar nanao ezaka hanamora ny fifampidinihana. Israel na dia nanaiky « ceasefire » aza dia mbola nanao fanafihana an’habakabaka, ary ny Hezbollah nampifandray mivantana ny fihetsiny amin’ny politika sy fiarovana Iranianina. Raha fintinina dia mbola marefo ny fifampidinihana, misy « memorandum » voasonia fa tsy mbola lasa fifanarahana ofisialy, ary ny olana lehibe dia mijanona amin’ny Detroit d’Hormuz, ny programa nokleary ary ny sazy ara-toekarena. Ny ady tany Liban sy ny fihetsiky ny firenena manodidina kosa mbola manohintohina ny faharetan’ny fandriampahalemana. Mbola marefo ny fifandaminana sy fametrahana fifanarahana mahomby, ka ny mety ho fitohizan’ny ady dia hanamafy ny fiantraikan’ny krizy maneran-tany, indrindra ny lafiny ara-tsolika, izay misy akony goavana ara-toekarena.
Toky R

Tia Tanindrazana

Samia mijoro ho an'i Gasikara.