Any Ivelany

FEDERASIONIN’NY KITRA IVORIANINA MATIN’NY COVID-19 NY FILOHA SIDY DIALLO

Any Ivelany
Alatsinainy 23 Novambra 2020

Nodimandry ny sabotsy lasa teo i Augustin Sidy Diallo, Filohan’ny Federasionina Ivorianina momba ny baolina kitra (FIF).

Valanaretina covid-19 no voalaza nitondra azy tany amin’ny fahafatesana teo amin’ny faha-61 taonany, ka nanomboka ny 09 novambra izy no voamarina fa voa. Voafidy ho Filohan’ny FIF izy nanomboka ny 2011, ary tao anatin’ny fitondrany no nahazoan’i Côte d’Ivoire ny amboaran’ny CAN in-droa. Saika naneho ny alahelony avokoa ireo mpilalao ao anatin’ny ekipam-pirenena Ivorianina sy ny vahoaka ary ny tontolon’ny baolina kitra maneran-tany. “Ny fianankaviamben’ny kitra Ivorianina, Afrikanina, maneran-tany no namoy ny zanany iray”, hoy i Didier Drogba Mpilalaon’ny Elefanta Ivorianina fahiny. Naneho ny alahelony ihany koa i Yaya Touré.