Any Ivelany

Fanonganam-panjakana tany Mali Vita hatreto ny momba ny filoha IBK

Any Ivelany
Alakamisy 20 Aogositra 2020

Nametra-pialana rehefa tratry ny tsindrin’ireo miaramila mpikomy ny filoha Maliana Ibrahim Boubacar Keita (IBK).

Noravana ihany koa ny governemanta sy ny antenimieram-pirenena. Raha tsiahivina dia ny talata lasa teo no nisy ny fiakarana tany amin` ny trano fonenan` ny filoha Malianina nataon` ireo andian-tafika ka nosamborina tamin` izany izy. Ankoatra azy dia niaraka tamin` ny praiministra sy ny mpikambana eo anivon` ny governemanta ary ny zanany izay depiote ihany koa. Marihana fa isan` ireo voasambotra ihany koa i Tiabile Driame, minisitry ny raharaham-bahiny izay anisan` ny nanao fampihavam-pirenena sy mpanelanelana teto amintsika nandritra ireny krizy 2009 nandritra ireny. Miantso amin’ny hametrahana tetezamita tantanan’ny sivily izay hikarakara fifidianana ny miaramila.Natsangana ihany koa ny komitim-pirenena ho an’ny fanavotam-bahoaka.Hajaina avokoa ireo fifanarahana iraisam-pirenena, hoy ny miaramila.Vita hatreto izany aloha ny momba ny filoha IBK ary dia hiroso amina fitondrana tetezamita i Mali. Nanameloka avy hatrany ity fandrombaham-pahefana ity ny vondrona Afrikanina.

Marigny A.