Any Ivelany

Fametrahana tetezamita any Soudan Nandamoka ny fifampiresahana

Any Ivelany
Alakamisy 23 Mey 2019

Tsy nisy ny fitohizan’ny fifampiresahana eo amin’ireo mpitandro filaminana sy ny ALC (Alliance pour la liberté et le changement) any Soudan.

Fifanakalozan-kevitra mikasika ny fitsinjarana ny fitondrana tetezamita mandritra ny telo taona izy io. Iza no hitondra sy hitantana ny fanjakana. Ny ALC dia mitaky ny hisian’ny sivily miisa 8 sy miaramila 3 eo anivon’ny filankevitra ankapobeny mandritra ny tetezamita. Etsy an-kilany, miaramila miisa 7 sy sivily 4 no takian`ireo jeneraly. Marihana fa ny talata lasa teo no nitsahatra ny fifanakalozan-kevitra ary tsy nisy ny marimaritra niraisana. Mbola mitohy hatrany ny fihetsiketsehana ataon’ireo olon-tsotra ary hihamafy satria manangasanga ny fitokonana faobe hataon`ireo orinasa any an-toerana.

Marigny A.