Any Ivelany

Fahamaizan’i Aostralia Tonga any Chili sy Argentina ny setroka

Any Ivelany
Alarobia 08 Janoary 2020

Efa ho andro maromaro no voa mafy amin’ny fahamaizana any Aostralia satria mihena indray ny ala tokony hisintona ny etona mangeja hafanana na « gaz à effet de serre ».

Mandravarava ireo ala sy izay monina ao anatiny ny afo. Tafakatra 50 °C ny hafanana any ambanivohitr’i Sidney ka valan-javaboary maherin`ny 5 tapitrisa Ha no kilan’ny afo toy ny an`i Flinders Chase. Mavesatra ny voka-dratsy nateraky ny afo satria tonga any Chili sy Argentina ny setroka vokatry ny fahamaizana. 12 000 Km sy ranomasimbe anefa no manasaraka an`ireo firenena ireo. Manomboka mihamaizina ny lanitra manodidina an`i Argentina raha ny vaovao nampitain`ny sampana mpamantatra ny toetry ny andro any an-toerana. Misy tsio-drivotra mahery vaika misarika ny setroka mankany andrefana. Hatreto aloha dia tsy voafehin`ny mpamonjy voina ny afo any Aostralia ary mihoatra ny 100 000 ireo mponina no nafindra toerana ary trano 1 500 no may.

Marigny A.