Any Ivelany

Emmanuel Macron Misokatra amin` izao tontolo izao

Any Ivelany
Alatsinainy 15 Jolay 2019

Iray amin` ireo fototra iorenan` ny politikan` ny Filoha Emmanuel Macron ny fisokafana amin` izao tontolo izao. Ankehitriny dia midona amin` ireo izay manindrahindra ny fihemoran` ny maha izy ny olon

a iray sy ny fiafaran` ny ifandraisan` ny firenena maro izy. Mitoky amin` ny firaisankina eoropeanina sy amin` ny fitantanana iombonana eo amin` ny sehatra iraisam-pirenena ny Filoha Macron. Izany, raha ny marina no hany mampandroso lohahevitra fantatra eran` izao tontolo izao toy ny ady amin` ny fiakaran` ny maripana, ny ady amin` ny valan`aretina mihanaka amin` ny toerana maro, ny famolavolana paikady hampiroborobo toekaren’ireo firenena amin’ny ilabola-tany atsimo ka hampitsahatra ny fifindra-monina.Afaka manampy ny Filoha Macron , raha ny filazany mba hanoherana ny fijery tia tena, tia fifandirana manohintohinna ny fitoniana sy ny fahamarinan-toeran` izao tontolo izao. Etsy ankilan’izay anefa hita ihany fa sahirana eo amin’ny resaka sosialy ny Frantsay amin’izao fotoana izao ka mahatonga savorovoro matetika, ka mitarika fanimbana ny fanana iombonana satria maneho ny hatezerany ny olona.Ampangain’ny Franntsay ho variana loatra amin’i Eoropa sy ny fifandraisana iraisam-pirenena ny filoha Macron kanefa tsy manome vahaolana azo tsapain-tanana amin’ny olan’i Lafrantsa

Marigny A.