Any Ivelany

Egypta Maty teo am-pitsarana azy i Mohamed Morsi

Any Ivelany
Talata 18 Jona 2019

Afaka namaly ny fanontanian’ireo mpitsara nandritra ny 20 minitra ary dia nitambotsitra tampoka avy eo i Mohamed Morsi.

Izay no nitranga tao amina lapam-pitsarana iray tany Egypta omaly, nodimandry teo amin’ny faha 67 taonany ity filoha voafidy tany Egypta ny taona 2012 ity ary nirodana herintaona taorian’izay moa.Voalaza fa krizy noho ny aretim-po no nahavoa azy.Efa nararin’ny diabeta no sady miakatra tosi-dra matetika i Mohamed Morsi.Izy no sivily voalohany nitondra ny fireneny taorian’ny revolisionina nandrodanana an’i Hosni Moubarak ary voalohany voafidy ara-demokratika ihany koa.Nipoitra avy ao amin’ny “Les Frères Musulmans” izy, nantenaina hanova ny fomba fitantanana kanefa nandiso fanantenana ny mponina satria tsy nahavita namerina ny filaminana sy ny fandriampahalemana tany Egypta.Ny jeneraly Abdel Fattah al-Sissi izay filoha am-perinasa amin’izao fotoana no nanohitra mafy azy ary nitarika ny fandrodanana azy.

RTT