Any Ivelany

DONALD TRUMP TSY MANAIKY RESY SAINGY TSY TE HISAKOROKO

Any Ivelany
Alakamisy 07 Janoary 2021

Niantso ny mpomba azy ho tony I Donald Trump taorian’ny fidiran’izy ireo tao amin’ny Lapan’ny Kongresy na ny Capitole omaly.

Ora vitsy taorian’io sakoroka io, dia nanambara sy nanamafy I Donald Trump, fa tsy manaiky velively ny voka-pifidianana, ary tsy manaiky velively ihany koa ny filazana azy fa resy. “Tsy resy izany isika ary tsy hanaiky hatramin’ny farany, nandresy isika ary nandresy lavitra dia lavitra”, hoy izy. Niantso ny mpomba azy hody anefa I Donald Trump, ary naneho fa fantany ny alahelon’izy ireo, saingy tsy tia ra mandriaka izy, ary mila filaminana.