Any Ivelany

Coronavirus maneran-tany Miomana amin` ny fiatrehana ny andiany faharoa ?

Any Ivelany
Alatsinainy 28 Septambra 2020

Tsy mbola milanina ny fiatrehana ny ady amin` ny Covid 19 maneran-tany. Miha ratsy ny toe-draharaha any Etazonia: roa hetsy ireo namoy ny ainy.

Tafiakatra roa tapitrisa ihany koa ireo tranga voamarina tamin` ny herinandro lasa teo raha ny tatitra farany. Inde sy Brésil kosa no manaraka azy akaiky amin` ny antontan`isa. Sina kosa dia nanambara fa voafehiny ny aretina ao aminy ary manambara izany ny fihetsika ataon` ireo mpitantana. Ny filoha Xi Jing-Ping dia nanasongadina sokajin`olona efatra ho mahery fo nandritra ny ady amin` ny “coronavirus”. Ireo mpikaroka dia nomena ny mariboninahitra “Médaille de la République”, izay mari-boninahitra farany ambony any Sina. Any Eoropa kosa dia miomana amin` ny fiparitahan` ny valanaretina andiany faharoa. Any Espagne dia mitady hevitra mba tsy hiverenana amin` ny fihibohana na dia nisy aza ny taha ambony teo amin`ny tranga voamarina ny herinandro lasa teo. Nisy mihitsy faritra no tsy maintsy niverina nihiboka. Any Frantsa dia nametraka paikady vaovao ny fanjakana Frantsay taorian` ny fitomboan` ny isan` ireo namoy ny ainy. Noferana ny ora fisokafan` ireo toeram-pisotroana sy trano fisakafoanana araka ny didim-panjakana nivoaka farany.

Marigny A.