Any Ivelany

Centrafrique Manome 72 ora ho an`ny Vondrona 3R

Any Ivelany
Zoma 24 Mey 2019

34 no indray namoy ny ainy, dimy hafa naratra ny talata 21 mey lasa teo tamin`ireo toerana miisa telo tany Paoua ao Centrafrique noho ny voina manokana nataon`ny vondrona mitam-piadiana 3R (Retour, Reclamation, Reconciliation),

tarihan`i Sidiki Abass, mpioko ao amin`ity firenena ity. Tsy niandry ela ny fitondram-panjakana fa nanome baiko 72 ora an`i Sidiki Abass mba hanolotra azy, ireo rehetra nahavita herisetra mahatsiravina. Nahazo fepetra 72 ora ihany koa ny vondrona 3R handrava ireo toerana efa ananan`izy ireo ary hanaisotra ireo sakan-dalana ataony. Raha tsy voahaja ao anatin` izay fe-potoana izay ireo voalaza ireo dia handray andraikitra avy hatrany ny mpitondra ao Centrafrique.

Marigny A.