Any Ivelany

Partagé sur :
• facebook

Ny fikambanana “Zanak`i Gasikara” (AZIG) izay tarihan` i Carrozza Heliarisoa, dia misehatra indrindra amin`ny fanampiana sy fampodiana ireo Malagasy

tavela any Eoropa sy any amin`ireo tany arabo izay asa efa nandriaketany nandritra ny dimy taona nijoroany. Raha fintinina ny asan` ny AZIG tamin` ity taona 2020 ity, dia nifantoka tamin` ny ady amin` ny COVID-19 indrindra tamin` ny fampodiana ireo Malagasy nihitsoka tamin`ireo firenena samihafa noho ny fepetra ara-pahasalamana. Nanelanelana ny fanamorana ny fampodiana azy ireo i Carrozza Heliarisoa toy ny tany Frantsa sy Inde. Ankoatra izay, imasoan` ny fikambanana ny ady amin`ny fiarovana ny zon` ny teratany vahiny mila ravinahitra sy ny herisetra ara-piaharamonina sy ara-tsosialy mianjady azy ireny. Any amin`ireo firenena arabo (Liban, Arabie Saoudite, Koweit, Jordanie…) moa no tena handrenesana fitarainana maro. An`arivony rahateo ny Malagasy mbola miasa any indrindra ireo vehivavy. Misy mihitsy no nampidirina am-ponja toa an` Arabia Saoudite. Ho an`ity farany ity dia efa nanambara ny minisiteran` ny Asam-panjakana, ny fampananan`asa, ny lalàna sosialy (MEFPTLS) fa hampody an`ireo Malagasy mihitsoka any. Manoloana izany dia manao antso avo amin`ny fanjakana i Carrozza Heliarisoa mba hanafaingana izany satria manodidina ny 300 isa izy ireo mihitsoka ao amin`ity firenena ity. Ankoatra izay, hametraka fanamby ny AZIG ho amin`ny dimy taona manaraka fa hanatsarana ny fiaraha-miasa amin`ireo mpiara miombon`antoka samihafa sy hanatsara ny fari-piainanan`ireo Malagasy mipetraka any ivelany. Manomboka izao, ny Malagasy mila ravinahitra any ivelanydia afaka misitraka fiarovana akaiky amin`ireo sehatra samihafa. Hanitatra ny sehatrasa eo amin`ny lafin`ny ara-toekarena ihany koa ny fikambanana ho amin`ny dimy taona manaraka.

Marigny A.

Tia Tanindrazana

Samia mijoro ho an'i Gasikara.