Any Ivelany

BURKINA FASO LANY HO FILOHA INDRAY KABORE

Any Ivelany
Zoma 27 Novambra 2020

Telo andro taorian’ny latsa-bato ny 22 novambra teo, nilaza ny CENI any Burkina Faso, fa nandresy tamin’ny isam-bato 57,87%

tamin’ny vato manan-kery ny Filoha am-perin’asa Roch Marc Christian Kaboré. Vokatra vonjimaika io. Laharana faharoa kosa I Eddie Komboïgo kandidan’ny CDP Antokon’ny Filoha teo aloha Blaise Compaoré nahazo 15,48%. 50,79% ny taham-pandraisana anjara. Tsy nanatrika sady tsy nandefa solontena tamin’ny fanambarana ny vokatra vonjimaika ny mpanohitra. Efa nilaza kosa i Christian Kaboré fa ho Filohan’ny Burkinabe tsy an-kanavaka.