Any Ivelany

BAOLINA KITRA NODIMANDRY TEO AMIN’NY 60 TAONANY I MARADONA

Any Ivelany
Alakamisy 26 Novambra 2020

Nodimandry tampoka omaly 25 novambra teo amin’ny faha-60 taonany I Diego

Armando Maradona, ilay kintan’ny baolina kitra Argentin. Isan’ny tena nahafantarana azy ny fiadiana ny tompondaka eran-tany ny taona 1986 tany Méxique, izay nobatain’I Argentine amboara. Nitondra ny laharana 10 izy tao anatin’ny ekipam-pirenena, ary manamarika ny tantaran’ny baolina kitra maneran-tany ny fahaizany. Fijanonan’ny fo tampoka na “Arrêt cardio-réspiratoire” no voalaza fa nahafaty azy. Ny 02 novambra dia naiditra hopitaly tany Bueno Aires izy, nodidiana ny lohany, ary efa niha salama sy nivoaka ny toeram-pitsaboana, kinanjo io nodimandry io. Marihina fa ny 30 oktobra teo no nankalaza ny faha-60 taonany I Maradona. Isan’ny klioba efa nilalaovany ny Boca juniors, Barcelone, Seville, Napoli,… Efa nanazatra ny Albiceleste ekipam-pirenena Argentin ihany koa izy. Tsy maty ao am-pon’ny mpitia kitra I Maradona, ka “legend never die”, hoy ny fifankaherezana. Namoaka didim-panjakana manambara fisaonana 3 andro ny Fanjakana Argentin.