Any Ivelany

Asa fampirohorona any MALI Maro no mifindra monina…

Any Ivelany
Zoma 21 Jona 2019

Efa sesilany ny fanafihana ataon` ireo vondrona djihadiste any Mali. Mihorohoro ny firenena satria tafiakatra 41 ireo olona namoy ny ainy, raha ny tatitra navoakan` ny Firenena Mikambana omaly maraina.

Tao Gangafani sy Yoro no nitrangan’ izany fanafihana izany ny alatsinainy lasa teo, ary fantatra fa mpikambana ao amin’ny foko “Dogon” avokoa ny ankamaroan’ireo niharamboina tamin’izany. An-jatony kosa no fantatra fa isan’ ireo nanafika tamin’izany. Nanapahan-kevitra ny governemanta any an-toerana fa hampitomboina ireo tafika mba hanampiana ireo olona niharam-boina. Raha ny tatitra nataon` ny Firenena Mikambana dia olona 750 no fantatra fa nandao ireo tanàna ireo ka nifindra any Dinagourou mpifanolo-bodirindrina aminy. Misy ihany koa no nifindra monina any Burkina Faso.

Marigny A.