Any Ivelany

Asa fampihorohoroana tany Syrie 12 no namoy ny ainy tao Alep

Any Ivelany
Talata 18 Jona 2019

Hatreto, miisa 12 no namoy ny ainy ary 15 no naratra mafy nandritra ny asa fampihorohorona nitranga tany Al Wadihi Alep, any Syrie, ny alahady alina hifoha alatsinainy teo.

Ahiana ny mety mbola hitomboan’ireo maty satria maro amin’izy ireo no mbola miady amin’ny fahafatesana. Vatan-dehilahy maromaro nitam-piadiana mahery vaika no tonga tao Alep ka nitoraka baomba sy nitifitra ny tanàna tao amin’ny tanàna kelin’i Al Wadihi. Miteraka fahasimbana goavana ho an'ireo sivily toy ny toeram-ponenana sy ny trano fitsaboana ary tsena maromaro ilay fanafihana. Misy ny famindrana toerana ireo mponina ao amin`ity tanàna ity ataon’ny fanjakana amin’izao fotoana izao.

Marigny A.