Any Ivelany

Partagé sur :
• facebook

Nanao sonia fifanarahana i Frantsa sy Sina ny talata teo ny amin’ny fananganan’ny orinasa Areva foibe famokarana angovo nokleary ao Sina, nandritra ny fitsidihan’ny filoha Frantsay Emmanuel Macron tany Pekin. Mety hananosarotra ny orinasa Areva ny fananganana azy ity. Mety hahatratra 10 lavitrisa euro ny sarany.

Fahalafosan’ny vidim-piainana

Nidina an-dalambe ny mpanohitra any Tonizia

Noho ny fampiharana ny lalàna mahakasika ny tetibolany 2018 any an-toerana dia nisy ny fiakaran’ny hetra alaina ka miteraka fiakarana amin’ny vidin-tsolika, fiara, ny saran’ny antso amin’ny telefonina sy ny aterineto ary ireo maro hafa. Nidina an-dalambe ireo mponina amina tanàna maromaro manohitra izany ka olona iray no maty ary am-polony no voasambotra. Nisy ihany koa polisy maromaro naratra nandritra ny fifandonana teo amin’ireo mpanao fihetsiketsehana sy ny polisy.

Pologne

Minisitra 2 nosoloina

Ny minisitry ny fiarovana Antoni Macierewicz sy ny minisitry ny Raharaham-bahiny Witold Waszczykowski, izay anisan’ny lehibe amin’ireo mpikamban’ny governemanta Poloney dia nosoloina ny minisitry ny Atitany teo aloha Mariusz Blaszczak i Jacek Caputowicz minisitra lefitry ny raharaham-bahiny

Tafika – Korea roa tonta

Miverina ny fifandraisana an-telefaonina

Séoul sy Pyongyang dia nanapa-kevitra nandritra ny fifampiresahana voalohany tao anatin’ny 2 taona omaly talata fa hosokafana ny fifandraisana ara-telefonina eo amin’ny tafika raha ny nambaran’ny tompon’andraikitra iray ao Korea atsimo, andro vitsivitsy taorian’ny fisokafan’ny fifandraisana ara-telefonina eo amin’ireo sivily

Tia Tanindrazana

Samia mijoro ho an'i Gasikara.