Any Ivelany

ANDRAIKIBA-ANTSIRABE: TOVOLAHY NANAO TOURNAGE, MATY AN-DRANO

Any Ivelany
Zoma 14 Desambra 2018

Namono olona indray ny farihin'Andraikiba omaly alakamisy 13 desambra 2018 tolakandro.

Raha ny angom-baovao dia tovolahy maromaro avy aty an-drenivohitra ireto nanao andiany nidina taty Antsirabe ireto mba hanodina horonantsary. Raha ny fantatra dia toa somary nisotrosotro izy ireo nialoha ny fanodinana ny sary vao niroso tamin'ny fakana sary. Nisy ary ny fihetsika nitsambikina nankao anaty rano dia niaraka avokoa ireo tovolahy, saingy tsy hita ilay iray ka teo vao fantatra fa hay tsy nahay nilomano ranamana. Natao ny fikarohana. Tamin'ny 2 ora sy folo no tsy hita izy ary efa tamin'ny 4 ora latsaka vao hita ny fatiny. Izy irery no maty fa ireo namany niara-nisaoty taminy kosa velona avokoa. Nifanome tanana tamin'ny fikarohana ny razana ireo mponina tao Andraikiba sy ireo sambokely mpampilalao olona ao Andraikiba.

Caius R.