Any Ivelany

Ambasadaoron’i Royaume-Uni Nisafidy ny hampiasa fiara Karenjy

Any Ivelany
Alarobia 10 Jona 2020

Nampahafantatra ny fiarany ny Masoivohon’i Raoyaume-Uni eto Madagasikara Atoa Phil Boyle, ary reharehany mihitsy ny naneho tao amin’ny tambajotra Twetter, fa fiara vita Malagasy no ampiasaina.

Ny fiara marika Karenjy vokarina any Fianarantsoa no nosafidian’io Diplaomaty io hiasana, ka nolokoina ny sarin’ny sainam-pirenena Anglisy ny tampony. Zava-dehibe sy mendri-piderana ny tahaka izany. Mendrika hojifaina ny vokatra Malagasy tahaka ireny. Misy ireo orinasa lehibe izay matetika ana vahiny no manjifa ny Karenjy, ary hatrany ampitan-dranomasina dia ahitana ity karazana fiara Malagasy ity. Raha tena mipetraka ny fitiavan-tanindrazana sy finiavana hampandroso ny indostria Malagasy, dia ny manam-pahefana sy ny mpitondra Malagasy no mipetraka ho fitaratra amin’ny fanjifana azy ireny, fa tsy maika ny hividy ireo fiara raitra vahiny. Ny zava-misy eto amintsika, dia ny vahiny aloha izao no mbola manome lesona antsika sy maneho fa tsara sy mendrika hotiavina ny vokatra Malagasy.

Toky R