Any Ivelany

Ady ara-barotra Miha mafy ny fifandonan’ny Amerikanina sy ny Sinoa

Any Ivelany
Zoma 31 Mey 2019

Efa herintaona mahery izao no nisian’ny ady ara-barotra teo amin’ny Etazonia sy sina ary miha-mafy hatrany izany ankehitriny indrindra taorian’ny nanambaran’ny filoha amerikanina Donald Trump ny fanakanana mahakasika ny fivarotana ny vokatra Huawei any Etazonia.

Eo ihany koa ny fanapahana ny “application” an’ny orinasa Google sy ny tambazotra sosialy amin’ireo vokatra Huawei rehetra ireo na ny efa lafo izany na ny mbola ho avy. Tsiahivina fa resaka fandriam-pahalemana na “Securité nationale” no voalaza fa anton’izany izay voatonona ho mandraharaha ao ny orinasa Sinoa. Tsy hijanona amin’izao ny orinasa Huawei fa araka ny fanambarana nataon’i mpisolo vava azy tamin’ny 29 mey lasa teo dia hangataka amin’ny fitsarana Amerikanina ny hanafoanana ny fandrarana ny famarotana ny vokatr’izy ireo any Etazonia izy ireo. Fantatra fa tsy ny resaka teknolojia ihany koa anefa no mampifanolana ny firenena roa tonta fa eo ihany koa ny resaka “brevet”. Amin’izao fotoana izao dia lazain’ny Etazonia fa mangalatra na manao ‘pillage” i Sina amin’ny alalan’ny fanaovana dika mitovy ny fikarohana ataon’ny Amerikanina. Efa ela no nitsikera an’i Sina tamin’izany ny amerikanina amin’io resaka io. Tsy mijanona ho ady ara-barotra intsony izany eo amin’ny Sina sy Etazonia ity ankehitriny fa lasa ady ara toekarena mihitsy satria samy te-hanjaka eo amin’ny toekarena manerantany ny roa tonta ity. I Sina zao dia manana tetik’asa antsoina hoe “Fabriqué en Chine 2025”, ny tanjona amin’izany dia ny mba hahaleo tena hatramin’ny 70% amin’ny akora teknolojika ilaina amin’ny famokarana tahaka ny sehatra fifandraisan-davitra, fiara mandeha, ny herin’aratra ary ny sisa. Izany paika izany anefa dia voalazan’i Etazonia fa mampatahoatra ny fanatanterahana azy satria ny tsy fifanarahana dia samy mampiezaka an’ny i Sina sy ny Amerikanina mba hitady marimaritra iraisana mba hahitana vaha olana hialana amin’ity ady ara-barotra ity. Marihina fa tapaka tanteraka ny fifanakalozan-kevitra eo amin’izy ireo taorian’ny fifanakalozana nanomboka ny 10 mey lasa teo.