Ady amin’ny famarinana olombelona

Namoaka horonantsary fohy ny BNLTEH

Any Ivelany
Zoma 19 Septambra 2025

Mila hamafisina hatrany ny ady amin’ny famarinana

olombelona na «lutte contre la traite des êtres humains», izay matetika ambara ihany koa amin’ny fomba mahazatra hoe trafikan’olombelona, raha ny fanazavàn’ny avy eo anivon’ny BNLTEH na ny birao nasionaly misahana izany ady izany eo anivon’ny primatioran’ny repoblikan’i Madagasikara. Zava-doza misy manerantany ny famarinana olombelona ary miseho amin’ny endriny maro toy ny amin’ny alalan’ny tolotr’asa eto an-toerana na iraisampirenena mihitsy, ohatra, kanefa fitaka tanteraka toy ny varotr’olona ara-bakiteny no ambadik’izany, raha ny fanazavàna ihany. Ho fampahafantarana sy fanentanana hatrany ny fiaraha-mientan’ny rehetra hiadiana amin’io loza mitatao sy efa misy mihatra eto amin’ny firenena sy manerantany io, dia namoaka horonantsary fanentanana sy fampahafantara fohy maharitra 4 minitra sy 4 segaondra monja ny BNLTEH ho hitan’ny mpanara-baovao sy olompirenena rehetra mba hitandreman’ny tsirairay ihany koa tsy ho tratran’izany velapandrika mety hitohy any amin’ny atao hoe famarinana olombelona izany na trafikan’olombelona izany, raha ny fampitàm-baovao hatrany.
Nangonin’i J. Mirija