Any Ivelany

27 TAONA ATY AORIANA NESORIN’I ETAZONIA NY SAZIN’I SOUDAN

Any Ivelany
Talata 15 Desambra 2020

27 taona aty aoriana, nesorin’i Etazonia ao anaty lisitr’ireo firenena sokajiany ho

mpanohana ny mpampihorohoro i Soudan. Nanomboka ny taona 1993 no nanaovany an-kivy ity firenena ity noho izy nambara fa nampiantrano an’i Ousama Ben Laden sy mpikamban’ny Al-Qaïda, hany potika ny toekarena Soudanais. Ny 26 oktobra no nampanantena hanafoanana ny sazy i Donald Trump, ary nalefa hodinihin’ny kongresy tao anatin’ny fivoriana saingy tsy tontosa. Ny sekreteram-panjakana Mike Pompeo noho izany no nanasonia ny fanafahana ny sazy, izay ahafahan’I Soudan misitraka indray ny fanampiana iraisam-pirenena. Nihatsara ny fifandraisan’ny roa tonta taorian’ny fionganan’i Omar El-Bechir.