Actualités

�Vola� hita tao an-tranony Jly Noel Ny lelavola no an�ny Raiamandreny Mijoro

Actualités
Alakamisy 09 Desambra 2010

Vola efa mananika ny 100 tapitrisa ariary no sarona tao an-tokantranon’ny jeneraly Rakotonandrasana Noel tamin’ny fisavana ny tranony noho ireny raharaha BANI Ivato ireny. Izy moa dia anisan’ny mpikambana tao amin’ny Komity miaramila ho fanavotam-pirenena ny 17 novambra lasa teo izay ambaran’ny FAT ho mikotrika fanonganam-panjakana. Raha ny tsiliantsofina dia mitentina 80 tapitrisa ariary teo ho eo ny vola tao an-tranony miampy taratasimbola telo izay mitotaly hatrany amin’ny 20 tapitrisa ariary. Rehefa nampanantsoina teny amin’ny zandary Ankadilalana ny pastera Ramino Paul, filohan’ny Raiamandreny Mijoro, dia nanamarina ny tenany fa mpitahiry vola tao amin’ity fikambanana ity tokoa ny jeneraly Rakotonandrasana Noel ary an’ny Raiamandreny Mijoro tokoa ireo lelavola. Tamin’io fotoana io ihany dia nomena an’ny pastera ilay ambim-bola. Momba ireo taratasimbola telo dia nilaza mazava kosa ny jeneraly Razafitombo Léon izay mpikambana ao amin’ny Raiamandreny Mijoro koa fa tsy fantany ny tompon’ireo. “ Tsy an’ny fikambanana misy anay mihitsy ireo”. Miandry ny fitsarana azy any am-ponjan’i Tsiafahy moa ny jeneraly Noel ka tsy afaka manome ny heviny momba ireo volabe ireo.

Yves