Actualités

Vohilava- Mananjary Alain’ny Sinoa andro alina ny volamena

Actualités
Alakamisy 06 Septambra 2018

Tantara mitohy ny fitrandrahana volamena ataon’ny orinasa sinoa Mac Lai Sime Gianna (M.L.S.G.) ao Vohilava, Distrikan’i Mananjary.

Nanohitra azy io ny fokonolona ary mafy mihitsy ny hetsi-panoherana. Nakaton’ny “Police des Mines » ilay toeram-pitrandrahana tamin’ny 30 desambra 2017. Misosoka mangina tao indray anefa ilay fitrandrahana nanomboka tamin’ny 3 aogositra 2018, ary taratasy famitana iraka hitsirika fandikan-dalàna sy hanala ireo fitaovana nitrandrahana no nohararaotina ho fanomezan-dalana hanohy. Tezitra ny fokonolona ary nisy hetsi-panoherana goavana indray niseho tamin’ny 25 aogositra 2018 tsy mankasitraka ny fitrandrahana volamena amin’ny reniranon’Isaka, kaominina Vohilava. Manao latsak’alina maka volamena ilay orinasa nanomboka tamin’ny 6 aogositra 2018, izay nisy fiatoana vonjimaika tamin’ny 23 aogositra. Miantso ny handraisan’ny fanjakana fepetra amin’io orinasa io ny mponina any an-toerana.

Jean D.