Actualités

Voarohirohy amina halatra fiara Nosamborina indray ny lietna Dera omaly

Actualités
Alakamisy 23 Desambra 2010

Taorian’ny fahafahany tamin’ny resaka BANI dia nisy resaka hafa indray omaly nisamborana ny lietnà Dera. Halatra fiara indray no dosie nitaty ary ilay fiara voalaza fa nangalariny mihitsy no nalaina teny aminy teny an-dalana avy nihazo ny rafozany eny Talatamaty. Efa nohenjehina matetika teny amin’ny zandary ity lietna ity noho ny maha zaodahin’ny jeneraly Noely Rakotonandrasana azy. Voalaza fa tao ambadiky ny resaka BANI ny tenany tamin’ireny tranga ireny. Rehefa tonga teny anivon’ny fitsarana anefa ity raharaha ity dia nafahana izy satria tsy nisy idirany ilay resaka. Amin’izao fotoana izao indray dia fiara golf no voalaza fa nangalariny. Araka ny loharanom-baovao dia tonga teny amin’ny zandary teny Ankadilalana ny tompon’ilay fiara ary nisaotsaotra mihitsy, rehefa voasambotra ny lietna Dera. Araka ny fantatra dia ny laharan’ilay fiara ihany no nitondran’ny lietna Dera ilay fiara niriaria teto an-drenivohitra hatramin’izay. Raha fiara halatra angamba tsy nentina tahaka izany fa na novana ny laharany na ny lokony mihitsy aza. Ho hita ny tohiny !

Rakoto Maxime