Actualités

Vidim-bary Miakatra andro aman�alina

Actualités
Talata 28 Desambra 2010

Tsy tana ny fiakaran’ny vidim-bary eny an-tsena amin’izao faran’ny taona izao. 50 Ar ka hatramin’ny 100Ar be izao ny sondro-bidy tao anatin’ny herinandro monja. Tafakatra 1.500Ar ny makalioka raha 1450Ar izany herinandro lasa izay. Mbola hitombo aza io amin’ny janoary io araka ny filazan’ireo mpamongady. Ny fisian’ny ireo mpanao afera no anton’io rehefa vanim-potoana toy izao, hoy ihany izy ireo. Teo amin’ny 1300Ar teo ny kilaon’ny makalioka tamin’ny fiandohan’ity volana desambra ity. Herinandro talohan’ny krismasy anefa dia efa lasa 1400Ar izany. Dia izao lasa 1500Ar izao. Anjakan’ny mpijirika ny tsena. Any amin’ny faramparan’ny volana janoary any anefa vao ho tonga eny an-tsena ny vary aloha, izay mba mampidina ny vidim-bary. Ka inona no hitranga mandrapahatonga izay ?

Jean D.