Actualités

Vehivavy tera-bao Niharan�ny fanolanana tambabe, rangahy vadiny voadaroka

Actualités
Zoma 09 Mey 2014

Efa tsy mitsitsy mihitsy ireo jiolahy ao Toamasina, fa izay fantany fa hahazoana vola dia idirany avokoa. Tokantrano iray ao Salazamay P/lle 14/22 indray no lasibatra ny maraim-ben�ny alakamisy tokony ho tamin�ny roa ora.

Tokantrano vao nisy tera-bao anefa ity nisy nandroba ity, izay tsy vitan’ny naka ny volan’ireto fianakaviana ireo jiolahy, fa mbola naolan’izy ireo ihany koa ilay ramatoa vao tera-bao izay vao nodidiana ny paska lasa teo. Raha ny fazavana dia taorian’ny nahazoan’izy ireo ny vola dia nodarohan’ireto jiolahy ilay rangahy tompom-bady, nentin’izy ireo nanaraka azy avy eo ilay ramatoa ka teo amin’ny kianja filalaovam-baolina ao Ambohijafy antsoin’ny olona hoe “kianja Lemalady Eric” vao naolan’izy ireo mitamba-be ity ramatoa vao nodidiana sy tera-bao ity. Voatery notsaboina noho ny fahavoazana nahazo azy ilay ramatoa, toraka izany koa ilay rangahy tamin’ny daroka nahazo azy. Efa eo am-pelatanan’ny polisy ny raharaha izao, ka ho hita eo ny tohin’ny fanadihadiana.