Actualités

Vary 1.180Ar Hiantraika amin�ny famatsiana ny Tsena Mora

Actualités
Zoma 14 Janoary 2011

Raha ny loharanom-baovao omaly dia ny vary mora izay ambiny sisa ao amin’ny seranan-tsambo ao Toamasina no hamidy amin’ilay vidiny 1180 ariary ny kilao. Tsy nanaiky tamin’ilay fifanarahan’ny filohan’ny FAT sy ireo namany mpandraharaha mantsy ny maro tamin’ireo mpandraharaha amin’ny sehatry ny vary eto Madagasikara. Nolazain’izy ireo fa manamora zavatra no ataon’ny eny Ambohitsorohitra fa tsy mijery ny tena zava-misy marina. Ankoatra ny sehatra iraisam-pirenena mantsy amin’izao fotoana izao dia manampy trotraka ihany koa ny sandam-bola malagasy izay tsy marin-toerana, ary mazàna mitotongana satria ezahina arenina amin’ny fitrosana amin’ny olon-tsotra ataon’ny fanjakana foana na «BTA». Ny vokatra eto an-tanàna zara raha misy ny vary aloha.

Tsy azo odian-tsy hita izany rehetra izany ka ho faly fotsiny ny hampidina ny vidim-bary, araka ny nambaran’ireo mpandraharaha. Mety ho amin’ny faran’ny ity herinandro ity no ho tonga eny amin’ny mpaninjara ireo vary kely azo atao 1180 ariary ireo ny kilao. Hisy fiantraikany avy hatrany amin’ny famatsiana ny Tsena Mora koa anefa izany atsy ho atsy.

Rakoto Maxime