Actualités

Tsaratanana Mpitrandraka volamena 8 maty nihotsahan�ny tany

Actualités
Talata 29 Aprily 2014

Zava-doza no niseho tany Maromadinika, Kaominina ambanivohitra Betsapaiky any Tsaratanana ny zoma lasa teo. Mpitrandraka volamena 8 no maty nihotsahan’ny tany. 11 mianaka izy ireo no nitrandraka tamin’io toerana io. Samy afaka nitsoaka avokoa izy ireo tamin’ny fihotsahana voalohany saingy lasan’ny tany kosa ny 8 tamin’ny fihotsahana faharoa izay niseho tamin’ny faritra nifanila teo ihany. Adiny 4 be izao no nanesoran’ny Fokonolona ny tany nanindry azy ireo saingy efa tsy nisy aina intsony izy valo rehefa tafakatra ny vatany. Marihina fa mpivady ny 6 amin’ireo ary ankizy zanaky ny mpivady iray amin’ireo kosa ny namoy ny ainy fahafito. Ny sabotsy no nanatanteraka ny famangiana ny mpitondra ao Tsaratanana.