Actualités

Trangam-piarahamonina

Actualités
Talata 22 Aprily 2014

Ifaninanana ny hanambady vazaha, tafaroboka hatramin�ny pelaka

Tamin’ny herinandro teo, tovovavy malagasy iray 23 taona monina ao Toliara, te hanambady vazaha sy te ho any andafy no very volabe voafitaky ny mpimasy. Lasa ny vola vidin-tany nefa ny vazaha nantenaina ho vady lasan’ny tovovavy hafa. Rava ny nofinofy ary saika nanaraka hatramin’ny aina noho ny famoizam-po. Betsaka ihany izay voafitaky ny dadarabe sy mpanao vintana nandraikiraiky fanina diso fanantenana ka mamoy fo izay, nefa dia mitombo isa saika isan’andro mandany vola ireo mikasa hanambady vazaha.

Tsy vehivavy ihany fa tafaroboka hatramin’ny ny lehilahy, ka anisan’ny antony iray nampirongatra ny pelaka tao anatin’ny taona vitsy. Ny vehivavy efa manambady sy efa lehibe anaka aza misy ny misara-bady manaraka ireny vahiny ireny. Lasa lamaody ao Toliara amin’izao ny vadim-bazaha manana «quad». Tafaroboka amin’ity fifaninanana hafa kely ity hatramin’ny zaza tsy ampy taona teren’ny fahantrana, fitiavam-bola sy rendrarendra ary lamaody ka mampirongatra ny fivarotantena.