Actualités

Tovolahy voaroaka tamin�ny asany Maty namono tena nitelina poizina

Actualités
Alakamisy 12 Febroary 2015

Mitombo isa tato ho ato ny tanora tsy mahatanty onjam-piainana ka mamono tena. Tovolahy iray 27 taona monina etsy 67 ha no maty nitelina poizina, afak�omaly alina. Raha ny loharanom-baovao akaiky ny fianakaviany dia noho ny famoizam-po vokatry ny fandaozany ny asany (voaroaka) ny zoma lasa teo no nanosika ity tovolahy ity nanapitra ny ainy izao

. Nanomboka ny sabotsy teo izy dia nivarilavo nisotro sy niboboka toaka ary mila vaniny amin’olona isaky ny mamo. Ny alatsinainy hariva, nifamaly tamin-dreniny ny tenany izay efa mamo tampona. Samy gaga anefa ny rehetra nony naraina ny andro fa vatana mangatsiaka tsy nisy aina no novantanina. Nomarihan’ny loharanom-baovao fa manana olana ara-tsaina ity tovolahy ity ary misy andro mihetsika ny aretiny, ka matetika tsy tompon’ny tenany izy ka manaotao foana. Mety ho izay koa no antony nandroahana azy.

Eric R.