Actualités

Tondra-drano Mbola mijanona ho faritra mena Antananarivo.

Actualités
Alatsinainy 02 Martsa 2015

Tsy mbola afaka ny loza ! Na dia nahitana fisentoana kely aza ny rotsak�orana tao anatin�ny 48 ora izay dia mbola mijanona ho faritra mena hatrany aloha ireo faritra lalovan�ireo renirano lehibe toa an�i Ikopa, Sisaony, Tsiazompaniry ary Imamba. Fampitandremana napetraky ny tompon�andraikitry ny ady amin�ny fiakaran�ny rano eto amin�ny lemak�Antananarivo izany.

Ho an’ny Fokontany Ambodirano Ampefiloha manokana, noho ny fisian’ireo moto pompe telo avy amin’ny minisiteran’ny mponina sy iray avy amin’ny fiaraha-mientan’ny vahoaka dia nahitana fihenana 5 santimetatra ny haavon’ny rano. Tsy mbola nihena kosa ny isan’ireo traboina, araka ny fanazavan’Atoa Randrianasolo Philibert, lehiben’ny fokontany. Mba ho vonjy rano vaky dia tonga teny an-toerana ny avy ao amin’ny birao nasionaly mpandrindra ny ady amin’ny vokatry ny loza voajanahary (BNGRC) nanolotra vary 100 kitapo, voamaina 50 kitapo, siramamy 20 kitapo sy lamba “frippe” 5 kitapo. Ny solombavambahoakan’i Madagasikara Rahasimanana Paul Bert na i Rossy dia nanolotra ihany koa vary sy lamba “frippe” ho an’ny traboina eny an-toerana.

Andry Ratovo