Actualités

Toliara Zazavavy kely 4 taona nohitsahina fiara Mazda, maty tsy tra-drano

Actualités
Alakamisy 22 Mey 2014

Nitrangana lozam-pifamoivoizana nahafatesana olona indray tany Toliara, afak’omaly tamin’ny efatra ora tolakandro, amin’ny lalana manoloana ny biraon’ny zandary Mahavatse. Ankizivavy kely 4 taona niampita arabe tampoka no nohitsahina fiara Mazda miloko mena ka maty tsy tra-drano ary niparitaka hatramin’ny atidohany. Tamin’ny fotoana nandalovanay teo amin’ny toerana nitrangan’ny loza, dia mbola hita tavela teo ny volon’ilay zaza maty voahitsaka. Raha ny fanazavan’ny nanatri-maso ity loza ity, dia nobatain’ilay mpamily tao anaty fiarany ilay zaza efa tsy nisy aina intsony nentiny tany amin’ny hopitaly. Asa, noho ny tahotra ny fitsaram-bahoaka angamba na nanantena ilay mpamily fa mety mbola ho avotra ilay zaza voadona.