Actualités

Toliara II Mpivady niady, vaky loha voafira famaky rangahy

Actualités
Alarobia 14 Mey 2014

Adin�ny mpivady niafara tamin�ny sakoroka.

Raim-pianakaviana iray no naratra mafy vaky loha voavely vodim-pamaky nanandrify ny fihirifany, omaly naraina tany Anketa Andranovory, Distrikan’i Toliara II. Raha ny fanazavana azo dia miady matetika ireto mpivady ireto ary novonoin-drangahy ramatoa vadiny afak’omaly alina ka naratra mafy ary nitaraina tany amin’ny fianakaviany avy eo. Tsy nahatsindry fo ny iray tamin’ny anadahiny ka nandeha tany amin’ny zaodahiny nangata-panazavana. Niafara tamin’ny ady sy fikasihan-tanana ny fifanazavan’ny roa tonta avy eo. Nentin-katezerana ny anadahin-dramatoa ka namely ny zaodahiny ny famaky teny an-tanany. Nijininika ny ra. Raha ny fanampim-baovao azo farany tamin’ny ora nanoratanay, dia ny zaodahiny izay namely famaky azy ihany no nitondra ity raim-pianakaviana naratra ity tany amin’ny tobim-pahasalamana hotsaboina.