Actualités

Partagé sur :
• facebook

Miteraka ahiahy amin’ireo mpikamban’ny OMSI (Organisation Medico Sociale Inter Professionnelle) na toeram-pitsaboana ho an’ny mpiasan’ny orinasa tsy miankina ao Toamasina, ny tsy fisian’ny fivoriam-ben’ny mpikambana tao anatin’ny fito taona.

  Ny lalàna anefa milaza fa tsy maintsy atao isan-taona izany ary ny komitim-pitantanana no mampiantso ireo mpikambana. Efa nisy ihany ny fangatahan’ny mpampiasa ny taona 2010 hanaovana fisavana ny kaonty, saingy tsy nisy nihaino. Izao vao nivaly ny hetahetan’ny mpikambana. Fantatra fa hisy fivoriamben’ny mpikambana ny alarobia tolakandro, entina hanapahana ny vola nampiasaina ny taona 2013 ihany, izany hoe baraingo ny taona 2008 – 2012, ary mandritra izay koa vao hampahafantarina ny mpikambana ny fampiasam-bola ataon’ny OMSI amin’ity taona 2014 ity. An-kilan’izay, dia tsy nahitan-teny ny teo anivon’ny minisiteran’ny asa (?), sy ny DSST (Direction Sociale Sanitaire des Travailleurs) ny minisiteran’ny fahasalamana (?) izay samy mpanara-maso, anisan’ny mpikambana eo anivon’ny komitim-pitantanan’ny OMSI. Ankoatra izay, fantatra ihany koa fa karamaina 9 hetsy Ariary ireo mpikamban’ny komity mpitantanana miisa 18, ka 6 avy amin’ny mpiasa, 6 mpampiasa, 2 minisitera, 3 mpiasan’ny OMSI, 1 Inspektera momba ny asa, nefa adiny roa na telo isam-bolana ihany izy ireo no mivory. Miisa 1.000 eo ny orinasa tsy miankina mpikambana ao ankehitriny, ka maro an’isa amin’izany Ambatovy.

Tia Tanindrazana

Samia mijoro ho an'i Gasikara.