Actualités

Toamasina I 4 miliara Ariary hanarenan-dalana

Actualités
Alarobia 21 Mey 2014

Nisy ny atrikasa notarihin�ny minisitry ny asa vaventy tao amin�ny lapan�ny tan�nan�i Toamasina omaly maraina izay naharitra ora roa.

Tamin’izay no nandinihana ny fomba entina hikojana ny lalana ao Toamasina. Nambaran’ny minisitra Roland Ratsiraka fa nahazo vola 4 miliara Ariary avy amin’ny fanjakana ny tanànan’i Toamasina entina hanarenan-dalana mirefy 3km eo. Hisy koa vola 15 miliara Ariary avy amin’ny Banky Iraisam-pirenena amin’ny fanamboarana ilay fiantsonan’ny fiara vaventy ao Tsarakofafa. Hanomboka amin’ity taona ity ny asa ka tsy maintsy handoavam-bola ny fampiasana azy. Nomarihan’ny minisitra fa ferana ho 25 taonina ireo fiara vaventy afaka mandeha amin’ny lalam-pirenena sasany, anisan’izany ny lalam-pirenena faha-5 mba hiarovana ireo fotodrafitra ara-dalàna ireo.