Actualités

Tence Mena Hampahafantatra ny sangan'asany any ivelany

Actualités
Alarobia 30 Aprily 2014

Hamaky lay ny sehatra iraisam-pirenena i Tence Mena. Hatombony amin'ny fandehanana any ivelany izany, entina hampahafantarana ilay rakikirany DVD fahatelo mitondra ny lohateny hoe : �Femmes originales�.

Omaly no nanainga ho any La Frantsa i Tence Mena ary tsy hiverina eto Madagasikara raha tsy amin'ny 26 jona ho avy izao ao anatin'ny fankalazana ny fetim-pirenena. Tsotra ny tanjony raha araka ny fanazavany dia ny hampahafantatra ny sangan'asany manerana izao tontolo izao, indrindra fa ny asa famoronana izay mampiavaka azy amin'ny artista rehetra. Tafiditra ao anatin'izany sahady ny fandaharam-potoanany ny amin'ny hanaparitahany ny rakikirany any ivelany, faniriany efa taona maromaro lasa izay. Ahitana hira 12 isa moa ao anatin'io rakikiran'i Tence Mena fahateo io amin'ny fiteny gasy mifangaro teny frantsay mba ho azon'ireo teratany vahiny. Na izany aza anefa dia tsy hadinony isika eto an-tanindrazana. Hanomana fampisehoana lahibe any Morarano Chrome mantsy izy ny 27 jona mialoha ny hihazoany ny nosy La réunion hanatanterahany fampisehoana miisa roa be izao dia ny ao Saint Pierre sy ao Saint Denis. Hiverina eto indray izy ny volana jolay ka ankoatra an’Antananarivo dia hitety ny faritra avaratra sy atsimo izy.