Actualités

�T�l�thon enina andro� Hanampiana ireo traboina rivodoza Hellen any Mahajanga

Actualités
Zoma 18 Aprily 2014

Voin-kava-mahatratra. Nanomboka ny alatsinainy teo ary hifarana rahampitso sabotsy ny «téléthon» na ny tolo-tanana amin’ny alalan’ny tsipaipaika ataon’ny vahoaka mandrotsaka izay foiny manoloana ny biraon’ny ORTU Ankilisoafilira Bazaribe Toliara entina hanampiana ireo traboin’ny rivodoza Hellen any amin’ny faritra Boeny. Ny vola azo rehetra amin’io dia haterina an’i Mahajanga, hoy ny tompon’andraikitra.

Hatramin’izao, tsy mitsaha-manentana ny vahoaka hatrany ny lehiben’ny Faritra Atsimo Andrefana, ny Jly Robert, fa voin-kava-mahatratra ary trano atsimo sy avaratra isika Malagasy ka izay tsy mahalen-kialofana, tanana havia sy havanana izay didi-maharary. Marisika ny mponin’i Toliara mandrotsaka izay voatsirambin’ny tanany hanampiana ireo mpiara-belona.