Actualités

Sosialim-bahoaka Ilana vahaolana haingana avy amin�ny mpitondra

Actualités
Zoma 20 Febroary 2015

Tsy fotoanan�ny fanoherana bontolo intsony ny vanim-potoana lalovan�ny firenena Malagasy ankehitriny. Efa nilaozan�ny toetr�andro ny fanonganam-panjakana izay nanapotika hatrany ny fiainan-dRamalagasy. Tena sarotra maz�na ny fanarenana ny toekarena aorian�ny fiverenan�ny fitantanana ny raharaham-pirenena manaraka ny ara-dal�na

. Niavaka manokana teo amin’ny tantaran’i Madagasikara moa ny fisehoan-javatra tamin’ny taona 2009 na dia anisan’ny voasokajy ao anatin’ny fanonganam-panjakana ihany aza. Nitambatra tao avokoa mantsy na fampiasan-kery na fandrobana na koa fanapotehana fananam-pirenena sy fananan’olona. Potika daholo ireo seha-pihariana tao anatin’ny 5 taona naharetan’ny krizy. Sahirana tanteraka ny fitondram-panjakana manoloana ireo fahavoazana izay mipaka eny anivon’ny isan-tokantrano ankehitriny. Lalan-diso ihany koa ny fikasana mbola hametraka fitsipaham-pitokisana amin’ny governemanta amin’izao fotoana izao. Takiana kosa anefa ny fandraisan’andraikitr’ireo mpitondra mahefa ka handrosoana vahaolana maika ho an’ny sosialim-bahoaka mialoha ny taona 2018, hoy ny sekretera jeneralin’ny Vahoaka Miray Gaby Vakiniadiana.

Ramano F.