Actualités

Siramamy no nohafarana avy tany Malezia Kaontenera foana no tonga tao Toamasina

Actualités
Alakamisy 30 Desambra 2010

Miteraka resabe teo anivon’ny varotra iraisam-pirenena sahanin’ny ladoany ny momba ireo entana nohafarana mpandraharaha tany ivelany. Tonga soa aman-tsara mantsy ny kaontenera ary mihidy tsara amin’ny “plomb”, saingy tsy misy entana akory tao anatiny. Mpandraharaha roa samy hafa no tratran’izany ny volana novambra lasa teo iny. Samy nanafatra entana tany Malezia ary samy siramamy avokoa no nohafarana tamin’izany. Ny orinasa Maersk moa no niantoka ny sambo nitondra ireto kaontenera tsy nisy entana nohafarana mpandraharaha roa ireto, ka kaontenera miisa 24 ny an’ny mpandraharaha voalohany, manodidina ny 20 kosa ny an’ilay faharoa.

Raha nanao fanadihadiana tsotsotra ny mpanao gazety dia fantatra fa teny am-piaingana tany Malezia mihitsy no efa tsy nisy na inona na inona ireo kaontenera nanafarana ny siramamy ireo. «Mafia» no tompan’antoka tamin’izao. Efa misy moa ny fanadihadiana mandeha ankehitriny, ary araka ny vaovao, toa nitory ny orinasa any amin’ny tany niaviany any Malaisie ireo tompon’entana, ka ho hita eo ny tohin’ny raharaha. Fa raha ny sandan’ireo entana tsy tonga ireo dia mitentina 36.000 tapitrisa ariary teo.

Rakoutou