Actualités

Sempama nosy Vakinankaratra Manameloka ny fidiran�ny politika amin�ny fampianarana

Actualités
Alatsinainy 09 Febroary 2015

�Mitady hiverina indray ny resaka politika manodidina ny fanendrena tompon�andraikitra eo anivon�ny fampianarana�, hoy ireo mpitarika ny SEMPAMA Nosy Vakinankaratra nandritra ny fihaonambe nataon�izy ireo tao amin�ny CRINFP Antsirabe ny sabotsy 07 febroary 2015 lasa teo.

Nambaran’izy ireo fa efa hita taratra sahady indray ny fitsabahan’ny antokon’ny fitondrana amin’ireo fanendrena lehiben’ny fari-piadidiam-pampianarana sasantsasany ao Antsirabe amin’izao fotoana. Nohamafisin’ireo mpitarika fa toherin’izy ireo tanteraka izany satria efa tsy nampandroso ny fanabeazana. Fantatra nandritra ny fihaonana fa hivoaka amin’ity herinadro ity ny fifanarahana arakasa eo amin’ireo mpampianatra 10.000 noraisin’ny fanjakana farany teo ary ny volana martsa io no hivoahan’ny lisitr’ireo mpampianatra Fram horaisina amin’ity taona 2015 ity. Takian’izy ireo koa ny fanafainganana ny fomba fiasa amin’ny fandoavana ny karaman’ny mpampianatra Fram fa efa fomba fiasa tranainy be no ampiasain’ny Dren sy ny Minisitera ka mahatonga ny fahataran’ny fandoavam-bola na dia efa ao amin’ny tahirim-bolam-panjakana aza izany amin’izao fotoana.

Caïus R