Actualités

SEkoly MIaramilam-PIrenena Sahirana ny lehibe, tsy misy ny vola

Actualités
Alarobia 13 Oktobra 2010

Araka ny loharanom-baovao dia mandalo fahasahiranana mafy amin’izao fotoana izao ny Sekoly miaramilam-pirenena na ny SEMIPI any Fianarantsoa. Ny antony dia lany ny vola fampihodinana ity sekoly ity izay natokana ho azy. Raha ny tokony ho izy dia mbola misy ny vola raha ny tetibola no narahina. Noho ny tetibola izay nahitsy anefa dia tsy misy intsony ny an’ny Semipi. Araka ny efa nambara teto dia anisan’ireo niharan’ny fahavoazana mafy tamin’ny fanitsiana ny tetibola ny an’ny Tafika ka nisy fiantraikany tany amin’ny faritany izany. Vokatr’izay tsy fisian’ny vola izay dia nandray fanapahan-kevitra ny lehibe ao amin’ny sekoly fa hiantso ireo be galona tomponandraikitra any Fianarantsoa. Fivoriana izay nataon’izy ireo andro vitsy lasa izay. Tamin’izany no nanapahana fa hanao izay azony atao ireo be galona rehetra any an-toerana mba hoentina manampy ny sekoly. Tsy mbola fantatra kosa anefa hoe vola avy aiza no hanaovana izany.