Actualités

Partagé sur :
• facebook

Elaela no tsy tazana tety an-kianja ny tenako, hoy Atoa Ranaivorazo Fenomanjato Raobelina na i Feno, omaly, tetsy amin’ny Magro Behoririka, fa tsy maintsy mba manokana fotoana kely ihany koa hanaraha-maso ny zava-misy eny amin’ny faritra misy ny tena. Hivoahana amin’ny krizy no nanekentsika mianakavy nanatanteraka fifidianana, hoy izy.

Indrisy anefa fa hatreto dia mihasahirana ny vahoaka malagasy, miharatsy ny filaminana, mihemotra ny faripiainan’ny olona. Isika eto an-kianja tsy mba kivy amin’izany fa mitolona hatrany, hoy izy. Raha niverina eto an-tanindrazana ny filoha Ravalomanana dia tsy sanatria ho enta-mavesatra ho an’ny firenena ka nandaniana volabe tany Diego, fa niadiantsika ny fiverenany,  hanavotany ny firenena. Faly isika fa tonga izy kanefa tsy maintsy takiantsika ny fahalalahany tanteraka sy ny hivezivezeny malalaka manerana an’i Madagasikara, takiantsika koa ny hanokafana ny Tiko. Manan-jo haneho hevitra mantsy, hoy ity MCT taloha ity, ny olom-pirenena rehetra ka anisan’izany i Dada, ary efa voasoratra anaty lalàmpanorenana rahateo izany. Tokony homena malalaka azy izany. Isika mianakavy dia mahita ankehitriny fa tsy mandeha ny raharaham-pirenena. Nataontsika ny hahazoana vola nefa tsy misy izany amin’izao fotoana izao. Tamin’ny fitondran’ny filoha Ravalomanana anefa dia tsy tambo isaina ny fanampiana avy any ivelany. Dikany dia misy zavatra tsy mirindra sy milamina ao na dia lany tamin’ny fifidianana aza ny mitondra antsika ankehitriny.

Ntsoavina Evariste

Tia Tanindrazana

Samia mijoro ho an'i Gasikara.